اول شي هلاو
والموضوع شي كلش حلو وبي صراحة اهواية
يعني ابهذا الوكت الي احنا بي الولد يريد ياخذ الي ياخذة من البينة ويعوفها والولد يكول للبينة اني احبج وهوة عندة 5 او 6 بنات جوة ايدة صارت حياتنة كلها جذب ابجذب واذا جانت علمود الاخت ابهذا الشي اني اعتبرة تخلف يعني اذا انتة صدك اتحب اختك واتخاف عليها صير وياها اخ وصديق يعني اتقرب منها اهواية علمود تحجيلك كلشي ومن اتكلك اني احب افلان لو علان انتة مو اتصير عصبي وتضربها وما اعرف شنو هذا الشي غلط والف غلط بالعكس استقبلها ابروح رياضية وهية من رح تحجيلك على الولد انتة تكدر تسئل على الولد وتعرفة منو هوة وشنو نيتة وية اختك اذا جان قصدة يدخل من الباب اتكلة الاختك يابة هذا يحبج صدك ويريدج واذا عرفت هوة مو خوش ولد مع احترامي للجميع طبعا من رح تحجي وية اختك واتكلها هيج وهيج وهذا الولد ترة مو خوش ولد هية رح تسمعك ومن رح تحجي وياها رح تاخذ ابكلامك
وعمر الصياح والضرب ميجيب لا نتيجة ولا حل بالعكس اخذها بسلوب حلو ودبلوماسية ذاك الوكت رح اتئمن بيك اختك وتحجيلك كلشي وهذا الشي الصحيح ......................الخ
تحياتي الج وردة على هذا الموضوع الصريح والحلو كلش وتقبلي مروري اعيوني انتي
وهذي وجة نضري بالموضوع