كبل جنة اصغار يم امي نبات
وسفة ذيج ايام صارت سالفه
جنت احس بالبرد لكن من تكول
ها اوليدي الدنيا تتحول دفه
ومرة اتذكرخفت ماجاني نوم
ودرت بيه النوم من عيني اختفة
مدت ايديهة علي بكل حنان
وشفت حتى اغطاي بيديهة غفة
جانت امي من اطلع تغمض العيون
وماتفتحها الى ارجع حالفه
ومرة جيت وشفت امي بلاي عين
اعيونها على الباب تنطر واكفه
ومرة سافرتانة عنها اتاخرت
وكلب امي امن المدامع تذرفه
ومن رجعت وحسو بيه اجيت
صاحو الجيران لامي ابنج لفه
امي مدري شلون وصلتني من اجيت
تركض امي لعندي جت متلهفة
وفتحت الحايط بديهة تحسبة باب
ومن فرحها الباب هم ما تعرفه
امي عانت حيل بايام الحصار
وشافت المامثلة احد شايفة
ومرة جعنة وصادفت دنيانة عوز
امي من الحيرة ضلت واكفه
ماكو اكل بالبيت وتعشي الجهال
ونزلت ماعون تبجي وراجفه
فارغ الماعون بس اشبعنة بيه
ثاري بالماعون صبت عاطفة
اكلتني اني واخوتي واكلهة فاض
جان فارغ لجن وحيدر كفه
وجنت طالب مدرسة وماكو قميص
والجهال ابعيشة كلش مترفه
ولمن امي مالكت قطعت قماش
جرت الجلد كصت طارفه
اعيون امي تشبهة جروح العراق
ودموعها بكد الدماء النازفة
امي بيرمن التعاطف والحنان
امي كصتهة بخجل تدمع عفة
ومن اصخن جنت ما اوصل طبيب
اية الكرسي بشفايفهة شفة
كعبة امي وكلنه للكعبة حجيج
وحول امي الناس تفتر طايفة
ومن درت بالدنيا متوفي الوفاء
امي حبلت لخلطر اتخلف وفهة
امي حبلت لخلطر اتخلف وفه
ــــــــــــــــــــــــــــــــــــــــــــــــــ ــــــــــــــــــــــــــــــــتت
________________________________________
هاي علية وكتبتها لان صار 4 اشهر مشايف اهلي وااااااااااااااااع مشتاقلها الاامي
موضوع: امي الحنونة 
الجمعة أبريل 03, 2009 6:00 am
