مسجات للموبايل

واذا رايد تسولف سولف ابماعون

عسل جلمات ثغرك لا تبديهن

واذا دمعك نزل قارورة حط للعين

دمعاتك شذر مو كفر تبجيهن



تفاحات عدك حركن خد الزيج

بالله الياحلك لوردت تنطيهن

الجايع من يفرهد جن تعذره الناس

خل حراس يمك حته تحميهن

واذا تسمع حظر تجوال ظل بالبيت

لان حته الحظر ظل صافن اعليهن



القناعه اتضيع مني امن التقي وياك


اوعيني الشوفتك ما عاد تكفيني


ولان يرادلك عين ابكبر بغداد


راح ابأيدي اوسع خارطة عيني




وهسه شلون؟؟
يل كتلي إنتظر .. طال انتظاري وياك

بعد ما بيه حيل اصبر .. واكول تهون
وتالي شلون؟؟

تريد ابجي بعد؟ تعذرني حيل بهاي

ما اعز الدمع !! بس ما بقتلي عيون



مـن درت عــينك شـــفت والله عيـــــون
ومن درت الوجه شفت الشمس طلعت
ودرت الشـــــعر رأســــا اجــــــانه الليل
لأن خافت شمـــسنا وبالعجل شــلعت


ترف وابيض شكل كاسر عيون الليل

تتباها بجمالك والله ما الومك

وكت الصبح بالسبعه عند الناس

وانا عندي الصبح من تنزع اهدومك




يا ارق انسـان شفـته بهل وجود
المايحـــبك مـااظـــن شايـــف عشگ


والله ادوخن وانسطر واحسدها حيل
شفتـــك عـــله الشـفه لمـــن تنـطبگ


ابمكــانه اشفـــافـك اتمـنه اصـير
والعـب ويــــا الســــانـك ومـــانفـــتـرگ

وانه احـسد هل قميــص البيك نام
مــن اشـــوفــه يلامسـك .. والله احترگ



لا يكفي الصار منج وحبي الج بعد ماينعاد لا خلاص

بعدي وخليني مرتاح لا هذه اخر كلمة واخر قرار

لا ماريد ترجعين ولا اريد نرجع احباب لا يكفي

كذب وخداع لا كلمة من قلبي وكلها احساس لا يكفي

الصار ماريد منج اعتذار لا كفي غدرج وبعدي النفاق

لا كوني من الماضي وكوني للغير انسان



عندي السان باشط يستحي من الصوت
و يخجل من تمر همسة سوالف

سولف ويه روحي وكمت اسكت بيه
خفت من صوته ينزعلي الشفايف



احير امنين ابوسك من الاكيك

ولو بيدي عليك امطر شفايف

امس سولفت يمي وصار ما صار

مشيت اوكمت ابوس بالسوالف