كــالوا نســاكــ وصــدكــتهــم ليــش ؟؟؟

گالولك نساك وصدگتهم ليش ..؟
وانت الحذرتني وگتلي عدوانك

أشصار وشختلف ؟ وانگلبت الآيات
بيهم صدگت .. وأنطيت برهانك

ذبولك طعم من حچوا عني وياك ..
حچايه وبالچذب .. بس باگوا لسانك

ما حاجه امنگلك آنه ماناسيك ..
لأن تعرف ابگلبي لهسه ماخانك

خوانك صفوا ..؟؟.. لا والنبي ايغشوك
مثل خوان يوسف ذوله خوانك

ولك عدوان صدگ .. آنه اخاف عليك ..
يمشوك ابدرب ويضيع عنوانك

تعال وخل أذَكرك ماضي الك وياي ..
غفت چم مره روحي ابين ذرعانك ..؟

وتعال وخل أَذَكرك .. يمكن انت انسيت ..
شم عطر الوفه تلكاه ابقمصانك

وتعال وخل أَشَوفك بالگلب نيشان ..
من توصل لگلبي اتشوف نيشانك

ماذكرك بيه ولا حرف بالشوگ ..؟؟
ولا طبعات چفي الفوگ بيبانك ..؟؟

يا نهر آنه مايك وبجفاي اتضيع ..
صبخه وجرح گاع اتصير احضانك

تتباهه ابزرع وچفوفك اموردات ..
ابتعب اچفوف اديه وصار بستانك

چنت قديس اشوفك ترهب ابملگاك ..
وطيور الترافه الگبل رهبانك

بس غروك ربعك العن الشيطان ..
علامك صاحبت يفلان شيطانك

ليغرك اجناحك اني احذرك شوف ..
نار البيه تحرگ ورق جنحانك

عاااااااااااااااشت ايدك على هل الشعر واحلى مقطع عجبني بيه الاخير

نعيش ايامج عنوني يسسلموووووووووووووووووووو على المرور نورتي

عاشت ايدك حبي كلمات رائعة
وتقبل مروري

[ندعوك للتسجيل في المنتدى أو التعريف بنفسك لمعاينة هذه الصورة]
تحية من القلب إلى القلب
يغمرني الاحسآس بالتميز كلمآ مررتُ بلوحة من لوحآت تميزكـم
وآصلوآ هذآ آلتميز على خطى من ذهب
ولآ تنسوآ إن نحن معكـم دومآ لتشجيعكـم ومسآندتكـم
دمتـم في سلآم ونعمـة
مع أجمل إحترآم مني
غ ــرور انثــى
سَلآميٌ
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]